You are here: 首頁
SMLTodays is:週四, 28 三月 2024
試菜好辛苦,可否搵救兵! PDF 列印 E-mail
AddThis Social Bookmark Button

先請大家睇吓我地「試版」嘅菜式,再講吓試菜點解會辛苦呢?

燒美國原條安格斯肉眼牛肉

香煎極黑豚伴薯角蕃茄沙律配松露汁

香草浸青白露筍龍脷卷伴墨魚麵綠茶汁

燒鮮蝦雞卷伴焗蕃茄露筍意瓜杯配香芒汁

香草穀飼禾羊串燒伴青檸刁草意大利飯

銀杏鮮菌醬焗彩虹魚配薑蝦牛油汁

改良版「心太軟」

銀杏叔叔甜品

特色燒牛骨伴扒溫室白茄瓜露筍配鮮士多啤梨木瓜汁

黑松露鮮果芝士焗帶子龍蝦酥皮卷

香煎拿破崙魔鬼魚柳配有機紅菜頭汁

今日,又在銀杏館佐敦店試菜。

以往銀杏館只有中環店嘅時候,已經要經常試菜。有時係因為定期轉新Menu,要先試食,然後才正式出街;有時因為廚師研發咗新嘅菜式,新嘅汁醬,希望大家俾D意見;有時因為更換供應商,又要試吓D食材嘅質素。

總之,就係「食」。

佐敦店開張之後,「試菜的日子」多了一倍。

講句「折墮」D嘅說話,試菜真係幾辛苦的。有時一試就食十道八道菜,豬牛羊雞鵝肝松露意粉薄餅甜品特飲湯,再加新舊醬汁或煮法,食到好疲累。

但凡試新嘢,都唔一定100%成功!有時撞啱道菜未夠完美,就可能要再煮再食再試。就算道道菜式都好味,都仲要研究點樣改良賣相。

但係為咗銀杏館嘅出品質素,大家都明白「試菜」係一D都唔可以草率嘅。

不過,試食多咗,真係發覺自己D口味越來越厭尖,唔夠中肯。今日,我終於認真咁同黎主席講,不如搵吓救兵幫忙啦!香港大把人識飲識食,不如定期搵佢地幫手試菜,佢地D意見仲實用,仲中肯啦!

黎主席話有人肯嚟試先講啦!我認為無理由無人嚟吖!They got nothing to loss  !

有機會,等我証明俾黎主席睇我的「試食救兵計劃」是work的。

仲有,2009年1月2日仲要試「特飲」呀!噢!

 
© 2013 Catering.org.hk | 版權所有 不得轉載.